Ilinniartunut siunnersuutitsialaat qulit

Ilinniartunut siunnersuutitsialaat qulit

“Aningaasaqarniarneq ilinniartuulluni nuannersuinnaaneq ajorpoq, taamaattumik siunnersuutit ilinniartunit atorneqarluarsinnaasut qulit sanavaat.

 

 

  1. Ilinniartuulluni aningaasaqarniarneq

ilinniartut ikitsuinnaat ilinniarnermi nalaani aningaasaateqarluartarput, taamaattumik eqqarsaatigeqqissaartariaqarpat aningaasaatit ulluinnarni sumut atussallugit pingaarnerunersoq. – assersuutigiinnarlugu utoqqalinersiaqalernissamut katersinissaq utaqqisinnaavoq.

Eqqaamallugu pingaartitatit piviusorsiortuussammata. Imaassinnaavoq biileqarluni nuannersorujussuusoq, kisianni aamma bussernissaq ajunngilaq nerisassanut akissaqanngikkaanni.

 

  1. Aningaaasat atornissaanut missingersuusiorit

Aningaasaqarnerup peqqinnartup aamma ilagaa aningaasaateqarnerup tamakkerlugu isigisinnaanissaa. Tamanna angusinnaavat missingersiusiornikkut. Taamaasiornissaq immaqa eqianarsinnaavoq pikkunaallunilu imminulli akilersinnaavoq. Taamaasioruit ajornannginnerusumik aningaasaatitit sumut atorsimanerlugit tamakkiisumik malinnaaffilluarnerusinnaavatit.

Siullermik aningaasaatitit skateereerlutit qanoq amerlatiginersut kisissavatit, taamaaseriarlutillu naliginnaasumik aningaasartuutigisartakkatit ilanngaatigalugit. Ass. Ineqarnemut akiliutit, angallanneq, oqarasuaatit, interneti allallu qaammatikkaartumik akilertagarisinnaasatit, soorlu Netflex.

 

  1. Atuinerit malinnaaffigiuk Tjek dit forbrug igennem

Imaassinnaasoq Dankorteqarluni ilorrisimaarnartoq ilaatigulluunniit ilorrisimaarnarpallaarsinnaalluni. Tassami ulluinnarni maluginngisamik aningaasanik atuivallaartorneq Dankorteqarluni ajornanngitsuararsuuvoq. Ilinniutaalluarsinnaasut ilaat aajuna: qaamaammi atuinitit tamaasa allattukkit taamaasillutit aningaasat sumut atorsimanerlugit takulluarsinnaanerussagakku, imaassinnaasoq qaammat ingerlareerpat aningaasat sumut atorsimanerlugit takusinnaalissavat, immaqa ilai atorfissaqarpianngitsunut atortarsimagitit.

 

  1. Dankortit taarseruk

Ilaatigut Dankortimik atuineq ajornanngitsuaraasinnaavoq taamasillutillu aningaasarpassut atorlugit, inuppassuit nassuerutigisariaqartarpaat Dankorti imminnoortuunngitsoq.

Naliginnaasumik korteqaruit imaluunniit Mastarcard debiteqaruit aningaasatit sipporlugit atuisinnaanngilatit. Taamaasillutillu aningaasat pigisatit kisiisa atussallugit. Misigisimagukku Dankorteqarlutit aningaasaatitit nungulertortartut misiliguk naliginnaasumik kortitaarlutit imaluunniit Mastercard Debititaarlutit.

 

  1. Pingaartitatit suuppat

Aningaasaatitit sumut atussavigit? Immaqa illoqafiliarnermut, nerisassat akuutissartaqanngitsut, atornikuerniarfimmut imaluunniit bussernissannut– Paasiniaruk suut pingaartitarinerlugit suullu nuannarinerlugit. Aningaasaatitit atorluakkit.

 

  1. Ileqqagaqalerit

Tamatta aningaasartuuteqarsinnaasarpugut naatsorsuutigisimanngisatsinnik, qaqutigullu nuannaarutaasarlutik. Juullimi tunissutissat, mobiltelefooni aserortoq imaluunniit kaffisoriarfissat ilinniartuulluni aningaasartuutaasinnaapput annertuut. Tamannalu oqinnerusinnaavoq aningaasanik ileqqagaqaraanni.

Pingaaruteqarpoq qaammatit tamaasa annikikkaluamik ileqqaarisarnissaq, aammalu pingaarpoq aatsaat atorfissaqaraangata atortassallugit – Soorlu akiligassat annertuut takkuteriasaarpata immaqa mobilimut internetimulluunniit akiligassat annertut takkuteriasaarpata 3000 kr-nik ileqqagaqarluni pitsaassaqaaq.

 

  1. Ilinniarninni atukkatit killilersimaakkit

Ilinniarninni atornak saniatigut immaqa suliffeqalersinnaavutit, taamaasillutit aningaasarsiorsinnaavutit nuannaarutigilluarsinnaasannik.

Ilinniarnerup nalaani aningaasanik atornissaq ajornanngitsuaraasinnaavoq, fisternissamut aningaasanik amigaateqaqattaarsimagaanni. Kisianni amerlanertigut nuanerpallaarneq ajorpoq atuarluni naammassigaanni ukiut qulit atukkat akilersussallugit.

Aamma ilinniarnerup saniatigut ilinniakkamut tunngasumik suliffeqaraanni ilinnut iluaqutaalluarsinnaavoq. Siunissamimi suliffeqarfissavit qanoq ittuunera misigisinnaavat.

 

  1. Akilersugassannik pisinaveersaarit

Pilerigisaqarluni akilersugassamik piseriasaarnissaq ajornanngitsuararsuusinnaavoq. Soorlu nutaamik computeritaarusukkuit maannakkorpiarlu akissaqarnak. Kingornatigulli akisoorujussuanngorsinnaavoq tassami akilersuigaanni akilersugaq naggataatigut akivimminit marloriaamik akisunerulersinnaammat.

Erngerlutit aningaasanik amigaateqaleruit soorlu nutaamik computerisisariaqalerlutit piit aserormat, periarfissaavoq bankimut atornissaq imaaluunniit ilaqutanniit atornissaq. Taamaasillutit amerlanertigut ilinnut akikinnerussalluni.

 

  1. Aningaasaqarnerit ikinngutitillu oqaluuseriuk

Ikinngutivit iluani fisternermut imaluunniit cafeernermut aningaasarpassuit atorneqartarpat? Minitaasutut misigisarpit – imaluunniit aningaasat piginngisatit atortarpigit ilaarusullutit?

Iluaqutaasinnaavoq ikinngutitillu aningaasaqarnerit oqaluuserisinnaagussiuk, soorlu suut akissaqartinnerlugit eqqartorsinnaavasi. Aamma ikinngutitit ilittulli ilimanarpoq inissisimasut. Allatigut ataatsimoorneq aamma nuannersuusinnaavoq nuannernerulissallunilu qaammatip naanerani sippuilluni atuisimanngikkaanni.

 

  1. Ikinngutitit ilagalugit sipaarit

Cafernerit aamma neriniartarfinnut neriartornerit, angerlarsimaffimmi ataatsimoornernik nereqatigiinnernillu taarsersigit. Taamaasillusi tamassi sipaarsinnaavusi nuannisarlusilu. Allaallumi timigissarnermi aningaasartuutigisartakkat sipaarutaasinnaapput arpaqateqarsinnaallutillu. Pisiniarfiit ilaanni aamma ilinniartunut akikillisaasarmata sipaaruteqarsinnaavutit.