INORLUNI INUNNGORNIKOQ QAFFASISSUMIK ILINNIAGAQARPOQ

INORLUNI INUNNGORNIKOQ QAFFASISSUMIK ILINNIAGAQARPOQ

Arnannguaq Christiansen Sisimiuneersoq, 1981-imi Nuummi inortorujussuulluni inunngorpoq. Rigshospitaliliaanneqareernermi kingorna, arnilu angerlarput. Maanna GU-mi tuluttoortitsisuuvoq, kalaallillu taama ilinniagallit qaqutigoorput amigaatigineqaqalutillu.

 

 

  • Arnannguaq Christiansen
    · Ukiut: 34 år
    · Suminngaanneerfik: Sisimiut
    · GU-mi tuluttoortitsisoq
    · Saniatigut oqaluttuarisaanermik ilinniartsisisarpoq
    · Marlunnik meeraqarpoq

 

 

Tuluttoortitsisuulluni kalaaliulluni qanoq ippa?

– Ilaanni kiserliornartarpoq, amerlanerit suleqatit qallunaatut oqaluttuugamik. Kalaallisut oqaluttuugaluarunik allatulaaq atuartitsisoqarsinnaassagaluarpoq, malunnartarami atuartut kalaallimik oqaasilimmik tuluttoortitsisoqarlutik iluarisaqigaat. Taamaattumik kalaallimik isumasioqateqarsinnaagaanni iluartassagaluarpoq.

 

 

Tuluttoortitsisunngussagaanni suut aqqusaartariaqarpat?

– Oqaatsit tuluttut nuannarisariaqarpaat, Universitetimi tuluttut ingerlallugu suna tamarmi tuluttuujugami. Tuluttut oqaatsit tungaatigut pikkorissuusariaqarput, aamma atuakkamik tuluttoortumik atuarsinnaaneq sapinnginnissaa pingaaruteqarpoq. Taavalu oqaluinnarani atorluarsinnaanissaa, tunngavilersuisinnaaneq, tuluttut oqaaseqatigiilerinermi nipisiuinermi soorunamilu oqaluinnarnermi pikkorereertariaqarput. Kiisalu GU-mi qaffasinnerpaamik tuluttut ingerlasimanissaq aamma piumasaqaataavoq, oqaatsinillu nuannarisaqarnissaq. Tuluttoortitsisunngorniaraanni inuiaqatigiinnik sullissinissaq oqaluttuarisaanermillu nuannarisaqarnissaq ilinniarnertuunngorniarfimmi soqutigisaqartuusariaqarpoq.

 

 

Suut Universititerniaraanni piumasaqaataappat?

– GU naammassisariaqarpoq, agguaqatigiissillugu minnerpaamik 6-ersimasariaqarlutik. Immikkut isumaqatigiissut Kalaallit ilinniartut pillugit minnerpaamik agguaqatigiissillugu karakter 6 angusimasariaqarpoq. Pitsaanerpaajuvorli angusat qaffasitsinniarnissaat.

 

 

Arnannguaq Christiansen atuartitsisoq. Asseq ANUUNA

 

Ilinniartitsisuunermi nuannequtit suuppat?

– Aasaanerani atuanngiffeqarnermi freerferujussuaqartarneq assut iluatarpoq, ukiullu sinnerani aamma feeriaqartarluni. Atorfik ullaarnganiit sisamat tungaanut ingerlaneq ajorpoq, assullu mikisunik meeraqarluni ilinniartitsisuulluni iluartupilussuuvoq. Inuusuttut aamma meeqqat atuarfianniittut kajumissaarusunnarput, allanngueqataarusukkunik ilinniartitsisunngornissaq assut kaammattuutigerusuppara nuanneqigami. Ullut tamaasa suliartorluni ulloq nutaaq, inuusuttut qanimut atuartitaralugit pissanganartorujussuuvoq assulu pissarsiaqarnarluni.

 

 

 

ILINNIARAMI AQQUSAAKKAT (BLÅBOG)
Alaskami ukeeriarluni, Nuummi GU-riarluni, Canadami United World Collegerpoq, 2002-milu ilinniarnertuunngorluni. Kingorna 2008-p tungaanut Københavns Universitetimi bachelor, kandidatilu ingerlappai saniatigut historie ingerlallugu. 2008-mi naammassigami GU-mi atorfinippoq, 2010-milu pædagogigumimi ilinniartitsisutut allagartartaarluni. GU-mimi ilinniartitsisuuniaraanni taama allagartaqaqqaarnissaq piumasaqaataammat.