LA-MI AKUUTISSARTAQANNGITSUNIK AAMMA ØKOLOGISKINIK NITTARSAASSINEQ

LA-MI AKUUTISSARTAQANNGITSUNIK AAMMA ØKOLOGISKINIK NITTARSAASSINEQ

 

TIMIUNA-p allattartua Los Angelesimi akuutissartaqanngitsunik økologiskinillu allanillu peqqinnartunik nioqqutissanik nittarsaassinermut peqatigiuk.

 

Natural Products Expo West & Engredea akuutissaqanngitsunik økologiskinillu nittarsaassisarnermi nunarsuarmi siuttuupput. Nittarsaassineq nioqqutissiat taakku iluanni suliaqartunit 80.000-nit aamma tuniniaasartunit 3.100.-init Anaheim Convention Centeri Los Angelesimiittoq ukiut tamaasa ornigarneqartarpoq.Ukioq manna martsimi uanga peqataavunga uanilu nutaarsiassat tallimat ukioq manna ussataanerpaasussatut taaneqartut tallimat sammissavakka.

 

 

 

Asseq peqqissutsimut immikkut ilisimasalik David Foreman aamma ’The Herbal Pharmacist’ –itut nalunnginneqarluartoq peqatigalugu assilisaq tunuanilu Thomas Beadnall, nerisat tungaatigut ilisimasaqarluartoq takuneqarsinnaavoq. 2018-imi ussataanerpaasussat tallimat.

 

 

1-Tunisassiat Veganiusut mamarsaaserluakkat

Meqqit ineriartortuartut maanna kinguleqqiutitnik qerisunik , youghurtinik, immussuarnik aamma burgerinik akuutissanik pisariunngitsunik akullugit sanasalersimapput. Akuutissat ilaatigut ukuusut: qaqqortarissat, paarnat, naatitat aammalu kaarrit.

Siornatigut inuit peqqinnissaq, pingaartitat aammalu piujuartitsinissaq pillugu veganinngortarsimapput, maannalu mamassuseq atoruminassusaalu peqqutaasunut ilanngunneqarsinnaanngorput. Assersuutigalugu nittarsaassinermi Hakuna Banana-mit aamma Snow Monkey-imiit kinguleqqiutit qerisut immuttaqanngitsut nittarsaanneqarput, taakku avocado aamma bananit atorlugit sanaajupput paarnarsuarnik ahornsirupimilluunniit tungusunnissusilerneqarsimallutik.The Honest Standimiit nachosinut dipi immuttaqanngittoq akuutissartaqanngitsunik naatsianit, qaqqortarissanit, gulerødinit aamma mamarsaatinit assigiinngitsunit sanaajusoq nittarsaanneqarpoq. Kite Hillip saqqummiuppaa immussuaq imerpalasoq tarnguttagaq jalapeño-mik mamassusilik qaqqortarissat immuat atorlugu sananeqarsimasoq. Ukua nioqqutissat siornatigornit peqqinnarnerupput aammalu soja proteinitakinnerullutik.

 

 

2-(ussat) ”Igitassamit erlinnartumut”

Ussataasorujussuuvoq nerisassiornermi suna tamarmi atorneqartassasut, taamaattumillu sinnikut aamma pilersitseqqinnermi atorneqartalerput. Organic girl, salatinik poortoriikkanik tunisassiortartut, salatit sinnikuinit maqillugit juiceliaminnik saqqumiipput. Barnana, akuutissartaqanngitsunik naatitanik panertunik saqqummiipput, taaakku naatitanit tunineqarsinnaanngitsunit sanaajupput. Suliffeqarfiit aamma assigiinngitsut karrit sinnikuinit energibariliorsimapput.

 

 

 

 

 

3-Nunarsuarmi angalasut

Atuisut mamassutsinik nunanit tamalaneersunik perusupput, nunarsuarmiut iggavii paasisassarsiorfigerusuppaat taamatullu akuutissat tassanngaanneersut.Nioqqutissanit nutaani paarnat assigiinngitsut soorlu kimmernat,uluusiit aamma havtornit nunanit avannarlernit naaatitatut atorneqartut eqqumaffigikkit. Suliffeqarfiit tatiginassusaat unneqqarissusaallu piginnittut nioqqutissiaminnut oqaluttuaat, nittarsaassineranni malugineqarsinnaapput taakkuuppullu pisisartut pileriginerusartagaat. Naughty Noah assigiinngitsunik vietnamimiusoortunik pho nudlinik sanasimapput, akuutissartaqanngitsunik mamarsaasikkanik aammalu ilaqutariit najoqqutarsiaanniit isumassarsiorfiusimasumi. Yai’s Thai-mik piginnittut aanaap najoqqutassiaa salsamik akulaakkanik mamarsaasianik assigiinngitsunik sanasimapput. Siunertarisimavaat mamassuseq ”thailandimeersoq amerikarmiut anersaavannik akulaarlugu” sanassallutik.Taanna suleriaaseq suliaqartut inulillu allat oqaluttuassartaannik aammalu sooq nioqqutisaatitik niuerfimmut saqqummiunniarnerinut iluaqutaasarput

 

 

 

 

 

 

4-Kollagen tassaavoq qernertoq nutaaq.

Nittarsaassinermi nioqqutissat assigiinngitsorpassuit nanisassaaapput soorlu energibarit, imertakkat, proteinpulverit, kaffi, matcha tiit, immuit panertunut taariutit, mamakujuit, kaageeqqat assigisaallu kollageninik akuukkat. Tassami kollagen peeqissutimut iluaqutaasinnaasunik akunik ulikkaarpoq, soorlu nutsat peqqinnarnerusut, timip nerisassanik arrortitsinera pitsaanerulersittarpaa, saarngit nukittuut, kukiit peqqissut, aseruuttoornerit annikillisittarpaat, qaneq kigutillu peqqissut, iluarsiartorneq sukkanerusoq, sinilluarnerulerneq aammalu uippkajaarnissamut ungasinnerulersitsisarluni.35-llu sinnerlugit ukioqaruit oqaatigineqartarput kollagenip amit qitulisittaraa.

 

 

 

 

 

5-Sinilluarnissamut uippakkajaarnermullu aaqqiissutissat

Nerisassanik imigassanillu tunisassiortartut nioqqutissaatitik adaptogenenik naasunit aamma mineralinik akoortalersimavaat, taakkulu akuutissat uippakajaarnissaq ingalasimatittarpaat aammalu timi eqqissisimatinnerusarlugu. Tunisassiat taamaattut siuariartupiloornissaat ilimasaarutigineqarpoq, tassungalu peqqutaavoq ullutsinni inuit uippakajaartut aamma sinimmik ajornartosiutillik amerligaluttuinnarmata.

Eqqarsaatigigaannilu kaffit imeruarsaatillu eqeersaatitallik qasunaveersaarnermut atugaanerujussuat, akerlianillu unnuakkut eqqumatitsisarnerat qiviaraanni inuiaqatigiit amerlasuut inooriaatsimi tassani peqqinnanngitsumi parnaarussaaqqasutullusooq ipput. Uku nioqqutissat inuaqatigiinnut taakununngorpiaq sammisuupput, eqeersitigatik eqqissisaammik akoqarput.Imeruarsaatit nittarsaanneqartut makkuupput, Goldthread Plant Based Tonics naasunik nakorsaatinik aammalu akuutissanik assigiinngitsunik sanaat, Cham Cold Brew Tea eqqissinartunik uummarinnartunillu aamma NaturalWise Organic Ashwagandha Energy Drinks, oqaatigineqarpoq taakku imeruarsaatit nakkutiginnilluarnerusinnaanermut, uippakajaarnerullu annikinnerunissaanut aammalu isumaginnerulernissamut iluaqutaassasut.

 

 

 

 

Assit ukuninnga pissarsiaapput:

Privat

Foodbusinessnews

Wikipedia.org