NALUNNGILIUK..

NALUNNGILIUK..

Nalunngiliuk Omega 3-ip timersoreeraangavit timivit qasueriartornera sukkanerutissinnaagaa, nukivillu ineriartorneranut aamma iluaqutaasartut. Taamaasillutit timersornikkut anguniakkatit nutaat pilersissinnaallugit?

 

Af: Maria H. Grødem

 

 

Omega-3 sunaava?

Fiskeoliat assigiinngitsunik pingaarutilinnik atuuffeqarput soorlu uummatip tillernerani, qaratsami aammalu naggussani. Taaneqartarportaaq orsoq Omega 3-meersoq. Orsut taakku inuunermi pingaaruteqarluinnartuupput, kisiannili taanna orsoq nerisatigut aatsaat timitta pisinnaavaa soorlu Omega 3-inik orsulinnik nerinikkut imaluunniit vitaminitornikkut.Taakku orsut eqimattakkaanut orsunut qaarsillannanngitsunut kisiannili peqqinnartunut ilaapput. Orsut taakku ateqartut, EPA (eikosa-pentaen-syre) aamma DHA (dokosa-hexaen-syre),timip pissarsiarisinnaavai nerisassatigut pingaartumik aalisagartornikkut aaammalu naatitat aaliangersimasut nerinerisigut.

 

 

 

 

Omega-3 Sumut iluaqutaava?

 

Omega-3 nappaatinut assigiinngitsorpassuarnut ingalasimatitsisartutut isumaqaqarfigineqartarpoq, pingaartumik nappaatit aseruuttoornermik aammalu ippigusunnermik tunngaveqartunut. Nappaatit ukuusinnaapput: taqakkut milittoorneq, aanaartoorneq, kræfti, sukkorneqpuigortunngorneq, nikallungarujussuarneq,gigti,astma,psoriasis, amerlunneq aamma inalugarsualunneq .Omega-3 anniarnermut sanneqqanermullu annikillisaasarpoq, aallu tillernera annikillisittarlugu taamatullu orsoq aammiittoq annikinnerulersittarpaa.Orsoq Omega-3,DHA qaratsap orsuata 20%-erivaa taamaattumillu qaratsap sananeqaataanut atorneranullu pingaaruteqarluinnaluni. Qanoq isumagissaartigineq eqqaamasaatillu DHA-mit sunnerneqartarput.

Arnat utoqqasaat akornanni misissuinerup  2012-mi ingerlanneqarsimasup takutippaa arnat timaat Omega 3-qarluaraangat timersornerulersartut. Taamatuttaaq paasineqarsimavoq Omega 3-ip timit iltimik iijoraanera pitsaanerulersittaraa nukinnullu sunniuttarnerata timi nukissaqarnerulersittaraa paasineqarsimavoq.

 

 

Qanoq isilluta nerisatsinni  Omega-3 pissarsiarisinnaavarput?

 

EPA aamma DHA aalisakkani, imarmiutani miluumasuni aamma qalerualinni naniniqarsinnaapput. Nerisassat pitasaanerpaat ukuusinnaapput:

 

  • makreli
  • nimeriaq
  • kapisilik
  • qaleralik
  • nipisaat suaat
  • ammassassuaq
  • nipisak
  • eqaluk qillarissoq
  • ammassaaraq
  • Krill

 

Aalisakkat assigiinngittut.

 

 

Omega-3 qanoq annertutigisoq iijorarneqassava?

Naliginnaasuuvoq ullormut nerisat saniatigut 600-1.000 mg Omega 3 inuup pisariaqartittaraa. Taassumalu assigiinnarpaa sapaatip akunneranut marluk pingasoriarluni aalisagartorneq. Kisiannili Omega 3 iluaqutigivissorniaraanni soorlu gigtimut anniarnermut imaluunniit sanneqqanermut naliginnaasumiit annertunerusumik timi pisariaqartitsisarpoq. Tassa minnerpaamik 2.4000 mg Omega 3 timip pisariaqartimmagu.

 

 

 

Kilder:

Netdoktor.dk

Akerbiomarine

Hjerteforeningen.dk

Sciencedirect.com

NCBI:Fish-oil supplementation enhances the effects of strength training in elderly women.

Eas Academy:Omega-3 polyunsaturated fatty acids in physical performance optimization