VALENTINAP ULLUA

VALENTINAP ULLUA

Nunarsuaq tamakkerlugu aappariippassuit, ullormi 14. Februarimi asanninnerat sakkortusilaartarsimassaaq. Soormiuna valentinap ullua nalliussisaripput? Paasissutissat paasisaqarnartut nuannersullu atuakkit.

Valentinap ulluanik nalliussisarneq ileqqorigaanni, aapparisaq, uigisaq nuliarisarluunniit iluatatsinneqartarpoq, tunissummik, nerinermik, allakkamik nuannersumik allarluinnarmilluunniit uummammut kissalaartitsisinnaasumik tunisinikkut. Valentinap ullua Kalaallit Nunaanni nalliussineqartalersoq pillugu, paasissutissat qulingiluat aaku.

  • Valentinap ulluata pinngorneranut ilimagineqarnerpaaq tassaavoq, kaasari Claudius II-p peqqusineratigut angutit romamiut sorsunnerup nalaani kateqqusaajunnaarnerannit aallaaveqartoq. Biskoppi Valentina kissaatai akerleralugit isertortumik katititsisarsimavoq. Valentina parnaarussaavoq pillagaallunilu. Parnaarussaaqqanermini parnaarussiviup panianut allappoq, imalu atsiorlugu: »Valentiinaatinnit«.
  • Ukiut tamaasa valentinap ulluani, allakkat 1 milliardit missiliorlugit nassiunneqartarput.
  • Englandip kunngia, Henry VII, St. Valentinap ullua februarip 14-ani ullorsiorfittut taavaa.
  • 1800-kkut naalerneranni, Richard Cadbury siullerpaalluni valentinap ulluanut atatillugu sukkulaatiliorpoq.
  • Valentinap ulluani naasusiniartartuni tamani, 73 procentit angutaapput 27 proentiinnaallu arnaallutik.
  • Amerikami arnat 15 procentii, Valentinap ulluani imminnut naasunik nassittarput.
  • USA-mi 1 milliard dollarsit nalinganut sukkulaatinik pisisoqartarpoq.
  • Nunarsuaq tamakkerlugu, ruusat 50 milliuunit missiliorlugit tunniunneqartarput.
  • Usuup puuinik sanasartoq, Durex, malillugu, Valentinap ulluata nalaani, usuup puuinik tunisinerit annertusisarput. Tunisat 20-30%-nik qaffariartarput.

Kilde: