VEJLE AAMMA IDRÆTSEFTERSKOLEQARPOQ

VEJLE AAMMA IDRÆTSEFTERSKOLEQARPOQ

Evita Grønvold aamma Malu Mølgaard 16-inik ukiullit, nunartik qimallugu ungasissumut aallarput, timersorneq soqutigisartik aallukkusullugu. Naak inuusukkaluaqalutik angerlarsimaffitsillu ungasikkaluarlugu, nuannisarnermik angerlarsilinngillat.

 

Illorsuaq højskoliullunilu efterskoliuvoq, inuusuttullu 16-niik qummut ukiullit idrætshøjskolertut atuarfeqatigaat. ANU UNAp niviarsiaqqat qiimasut marluk oqaloqatigai, kantiinami qallunaat kalaallillu atuartut, peqqinnartunik ullup qeqqasioqatigeqqammigaat.
Evita Grønvold Uummannameersoq aamma Malu Mølgaard Qeqertarsuarmeersoq, arsarneq nuannaralugu Vejlemi Idrætsefterskolernissaminnut qinnuteqarput.
Aammattaaq uterunik qallunaatut allallaqqillutillu oqallorinnerorusupput.

 

– Pingaaruteqarpoq, Malu oqarpoq:

 

– ilinniarnertuunngorniarfimmi qallunaatut allallaqqinnissaq oqallorinnissarlu, kammaa Uummannarmioq anngaavoq nangillugulu:

 

– Uanga aamma taamak misigisimavunga, qallunaatut arsarnermullu pikkorinnerulerusukkama, Evita oqarpoq. Nunatsinni arsartaqaaq, taamaattumillu Ilulissanut 10. Klasse naammassiartornikuullugu, Ilulissani qaffasinnerusumik arsartarmata.

 

 

Nuannareqaat

 

Inuusuttuaqqat marluk qiimaqaat. Nunatsinni imminnut ilisarisimanngillat, Danmarkimullu atuariaramik aatsaat naapillutik.

 

– Aallaqqaammut oqaluttut sukkasangaarmata, oqaatigineqartut paaserpiarneq ajorpagut. Piffissalli ingerlanerani ilikkarpagut, Evita Grønvold oqarpoq.

 

– Angerlarsernissara ilimagigaluarpara. Aallaqqaammut angerlarserpunga, maannali eqqarsaatineq ajorpara manna nuanningaarmat, Malu oqaluttuarpoq.

 

– Immikkoortitaaneq ajoratta nuannaraarput, Evita oqarpoq. Marluullutik Vejle Blodklubbimi arsartalernissaminnut akuerisaapput, atuarfiup klubbi suleqatigilluarmagu.

 

– Maani qallunaatut ilinniarluarpugut, faginili allani aamma atuartoqarsinnaavoq. Atuarfigissallugu innersuutaalluarsinnaavoq, naggasiipput.

 

 

Efterskolertussanut siunnersuut:
Ammasuugit